“Baroni i drogës”, Alket Hatija u vëzhgua prej kohësh në vilën e tij në Berat. Ai njihet nga autoritetet si njeriu që trafikoi qindra kilogramë kokainë dhe heroinë nga Amerika Latine drejt Italisë.
Por policia dyshonte se ai ishte përgatitur për bastisjen e shtëpisë dhe mund të arratisej. Për këtë arsye u prit që ai të udhëtonte për në Durrës, ku do të takohej me një mikun e tij që të arrestohej nga policia.
Kush është Alket Hatija dhe si u pikas nga policia?
“Baroni i drogës” në periudhën janar 2003 – mars 2004, mësohet se ka dërguar në shtetin fqinj 350 kg heroinë dhe 190 kg kokainë, e nisur nga Shqipëria e fshehur në kamionë me ngarkesa mallrash të ndryshme. Kjo sasi dorge kushtonte 35-45 milionë euro.
Po kështu 45-vjeçari urdhëronte edhe trafikimin e lëndës narkotike për në Itali. Oragnizonte gjithçka për t’u siguruar korrierëve që malli të mbërrinte në destinacion.
Sipas informacioneve Hatija u pikas nga policia italiane nga fotografia e pasaportës që ka treguar gjatë një udhëtimi nga Shqipëria për në Portin e Ankonës.
Një emër, dy datëlindje, një foto në një pasaportë dhe një adresë banimi në Itali, në provincën e Campobasso, rruga Kennedy 2. Në këtë adresë kishte jetuar në vitin 1997.
Po kështu edhe dorga e prodhuar në vendin tonë transportohej kryesisht përmes kamionëve nga Shqipëria për në Itali. (J.V/Shuplaka)
Discussion about this post