Për atentatin ndaj biznesmenit Dashamir Gjokës kanë dalë detaje të reja. Mësohet se mjeti i tij i blinduar, brenda të cilit udhëtonte Gjoka dhe gruaja fëmijët e tij, u qëllua nga një makinë tjetër që ecte paralel.
Menjëherë pas atentatit Gjoka është nisur drejt komisariatit të policisë për të dhënë dëshminë e tij mbi ngjarjen.
Theksojmë që Dashamir Gjoka, person me precedentë të mëparshëm penal nuk është një emër i panjohur për policinë, pasi ndaj biznesmenit është e hapur një çështje për pastrim parash, ndërkohë që prokuroria i ka sekuestruar pasuritë.
Organi i akuzës filloi hetimin pasuror, në kuadër të ligjit të njohur si “Antimafia”, pas dyshimeve se Gjoka i kishte krijuar pasuritë në bazë të të ardhurave të krijuara nga aktiviteti kriminal që ka kryer në Itali. (J.V/Shuplaka)
