Mehmet Cemurati ish-punonjësi i Gardës ka qenë i ftuar sot në ‘’Fax News’’ ku ka denoncuar shkarkimin e tij të paligjshëm.
Ai tregon se në vitin 2014 është shkarkuar nga puna për faktin se gjatë një inagurimi rruge i ka dhënë dorën Lulzim Bashës.
Teksa kreu i Bashkisë së Tiranës asokohe kishte shkuar në Kodër Kamëz për të inaguruar një rrugë, Cemurati thotë se ai kishte qenë pushim atë ditë dhe nuk ka qenë pjesë e Mitingut.
Në motivacionin e tij të shkarkimit shkruhej se ai kishte shkelur betimin, ndërkohë që një punonjës i gardës shkel betimin kur cënon sigurinë e vendit dhe shkel flamurin. Takimi me përfaqësues të politikës nuk parashikohet në betimin që bëjnë punonjësit e gardës.
Më tej ish-gardisti tregon se është detyruar që për 25 muaj me rradhë të shkojë si azilant në Gjermani dhe më pas është rikthyer sërish në vend, duke e çuar çështjen e tij në Gjykatën e Lartë.
‘’U hoqa nga puna, pa mundur që të përfitoj dot as pensionin e parakohshëm. U detyrova që për bukën e gojës të fëmijëve të largohem për azil në Gjermani në vitin 2015. Në momentin që kam lënë tokën time nuk kam pasur gjë më të dhimbshme. Unë dua të falenderoj shtetin gjerman, kam dhënë dhe një intervistë atje. Na kanë sistemuar, me të ngrënë , me të pirë dhe kemi kaluar menjëherë në asistencë. Kam ndejtur 25 muaj atje dhe kur u ktheva, këtu askush nuk më pyeti se me se mund të jetoj”, u shpreh Cemurati.
(E.K/Faxweb)
