Si u vodh gjatë natës Prokuroria e Durrësit, dyshohet se grabitësit kanë hyrë nga dritarja

Është grabitur gjatë natës Prokuroria e Rrethit Gjyqësor Durrës.

Persona te paidentifikuar pasi kanë hapur derën forcërisht janë futur në ambjentet e brendshme të institucionit.

Dyshohet që grabitësit kanë hyrë nga dritarja e pallatit ngjitur. Kjo pasi është e dëmtuar dera e katit të katërt, ndërkohë që dera kryesore e prokurorisë është e paprekur.

Burime nga policia për Fax News bëjnë me dije se ata kanë hyrë në zyrat e prokurorëve dhe nga aty dyshohet që kanë marrë dokumente e materiale të ndryshme.

Ngjarja u konstatua nga pastrusja e cila sapo mberriti konstatoi demtimin e deres duke njoftuar menjëherë policinë.

Grupi hetimor po punon për përcaktimin e dokumentacioneve të vjedhura nga prokuroria apo sendeve të tjera si dhe identifikimin e autorëve.

Në vendin e ngjarjes kanë mbërritur inspektorët e krimeve, shefi i Komisariatit të Durrësit Saimir Duro, prokurorët, të cilët janë duke kontrolluar nga ana e pasme e prokurorisë, nga ku dyshohet se kanë hyrë dhe hajdutëtt.

Në këto zyra u evidentua mungesa e disa dokumenteve hetimore, ndërsa nuk bëhet me dije se çfarë përmbanin ato konkretisht.

Kujtojmë se më 8 maj, u grabit me dhunë posta sekrete e Prokurorisë së Durrësit. Autorët dhunuan postierin por ende nuk janë identifikuar dhe as nuk u mësua kurrë se çfarë dokumentesh mungonin.

(M.Q/Faxweb)