160 kilogramë drogë u zbuluan së fundmi në Korçë gjatë operacionit të koduar “Kontrata”. Droga ishte e ndarë në 35 thasë të shpërndarë në masa të ndryshme, fshehur në banesën e njërit prej të arrestuarve dhe në një lokal në vendin e quajtur “Vaskat e Peshkut” në Vithkuq.
10 thasë plasmasi me ngjyrë të zezë me plot 23 kilogramë lëndë e dyshuar kanabis u gjetën të fshehura në tavanin e lokalit në pronësi të Janaq Qiricit, lëshuar me qira Aldo Kitës, të cilët ranë të dy në pranga.
15 thasët e tjerë me 137 kilogramë kanabis u gjetën gjatë kontrollit të ushtruar në banesën e një tjetër të arrestuari, shtetasit Pandeli Dine, banues në Vithkuq.
Detaje të policisë:
23 KG me lëndë të dyshuar si narkotike Cannabis Sativa e vendosur në 10 (dhjetë) thasë plasmasi me ngjyrë të zezë.
Gjithashtu në vijim të veprimeve, gjatë kontrollit të ushtruar në një ambient tjetër bar-kafe në pronësi po të këtij shtetasi, në qendër të fshatit Vithkuq u gjetën :
3(tre) aparatura lojëra fati,
1(nje) arme gjahu pa leje,
2(dy) pajisje grirëse për lëndë narkotike të llojit “Canabis Sativa”.
Strukturat e Policisë Korçë, kanë vijuar me kontrollin e territorit që mbulon kjo njësi administrative dhe kanë konstatuar e goditur edhe një rast tjetër të prodhimit e shitjes të lëndës narkotike e posedimit të armëve luftarake dhe e municionit.
Si rezultat i këtyre kontrolleve u bë kapja dhe arrestimi në flagrancë i shtetasit :
- Pandeli Dine, 31 vjeç, banues në fshatin Vithkuq.
Si edhe u shpall në kërkim bashkëpunëtori i dyshuar i tij, shtetasi :
- A.H, 24 vjeç, banues në Fier .
Kjo pasi në banesën e Pandeli Dines, shërbimet e Policisë gjetën dhe sekuestruan në cilësinë e provës materiale një sasi prej:
137 KG lëndë narkotike e dyshuar si Cannabis Sattiva e vendosur në 15 thasë plasmasi me ngjyrë të zezë.
2 armë zjarri dhe municion luftarak.
1 (një) autoveturë tip kamionçinë e markës “Mitsubishi” me targë AA 747 EF.
(XH.A/SHUPLAKA)
[ngg_images source=”galleries” container_ids=”1636″ display_type=”photocrati-nextgen_basic_imagebrowser” ajax_pagination=”1″ order_by=”sortorder” order_direction=”ASC” returns=”included” maximum_entity_count=”500″]
