Viti 2018 është shpallur si viti mbarëkombëtar i heroit Gjergj Kastrioti-Skënderbeu. Në këtë kontekst rreth figurës së Skënderbeut kanë diskutuar sonte në emisionin “Përballë” të gazetarit Lutfi Dervishi, Virgjil Kule, studiues dhe autori i “Skënderbeu- kryqtari fundit” dhe historiani osmanolog Dritan Egro.
Ndër shumë të tjera, detaje interesante dhe të rëndësishme ka bërë të njohura historiani Virgjil Kule. Ai tha se një pjesë e rëndësishme që duhet të ndriçohet është dhe mënyra se si vishej Skënderbeu, pasi deri tani na është paraqitur sikur ishte në gju me popullin.
Kule tha se ka dy dokumente që flasin në lidhje me këtë aspekt ku pas vitit 1452 Skënderbeu përdorte rroba që nuk prodhoheshin në territore shqiptare por i merrte nga Italia.
“Ekzistojnë dy dokumente, njëra flet për më xhypen e famshme që e merrte, me veshje me mendafsh dhe atlas dhe duke filluar nga 1452 është një dokument tjetër që mezi e përktheva pasi ishte në një ghuhë të përzier, dhe rezulton që nga 1452, Skënderbeu ka marrë çdo 6 muaj pako me rroba që nuk prodhoheshin në territoret shqiptare”, tha Kule, duke shtuar se rrobat që merrte ishin për ushtarakë të nivelit të lartë. (B.H/Faxweb)
Discussion about this post