Sidrit Bejleri nismë pro vajzave me shami, Elton Deda nuk mendon njësoj

Këngëtari Sidrit Bejleri kohët e fundit ka qenë shumë aktiv në kauza sociale, të bamirësisë dhe së fundmi në çështje kundër diskriminimit fetar. 

Artisti nëpërmjet një fotografie të publikuar në llogarinë e tij personale në “Instagram” ka dhënë një mesazh shumë të fortë kundër diskriminimit ndaj grave dhe vajzave të mbuluara.

Fotografia flet për përfshirjen dhe angazhimin e tij në një fushatë sensibilizuese dhe ndërgjegjësuese për këtë kauzë.

“Nëse një femër është e lirë të zbulojë trupin e saj, atëherë përse nuk duhet të jetë e lirë edhe ta mbulojë atë?” –ka shkruar këngëtari.

Ka mjaftuar ky status për të ngjallur debat tek komentuesit midis të cilëve vihet re dhe komenti i këngëtarit dhe mikut të tij, Elton Deda. “Sepse e ndalon feja jote!”- është përgjigjur Deda. 

(E.K/FAXWEB)