Siguria e të dhënave nga AKSHI-së, deputeti i PD-së: Përbën rrezik për shqiptarët

Deputeti i Patisë Demokratike, Endri Hasa, ka denoncuar  nga foltorja e kuvendit atë që ai quan ‘kompromentim i sigurisë së të dhënave” dhe ”rrezik për privacinë e shqiptarëve”.

Deputeti i PD-së del kundra idesë së qeverisë që AKSHI të bëhet “Projektues, administrues, prokurues, kontrollues dhe auditues i çdo niveli sigurie, publik apo sekret”. 

“Administrimi i të gjithë të Dhënave Shtetërore nga një institucion i vetëm i cili është po vetë dhe kontrolluesi dhe audituesi i tyre , komprometon rëndë sigurinë e te dhënave dhe komprometon totalisht gjurmueshmërinë dhe ndarjen e përgjegjësisë ne rast problemesh.

Cenon sigurinë e te dhënave te Shqipetarëve dhe paraqet riskun e madh te kompromentimit te rregullave te sigurisë se sistemeve.
Duke përcaktuar një institucion te vetëm si ne politikëbërjen e TIK ashtu edhe në prokurimet e përqendruara krijon premisat për ti hapur rruge praktikave monopoliste ne fushën e TIK.”, shprehet ai. 

REAGIMI PËR AGJENSINË KOMBËTARE E SHOQËRISË SË INFORMACIONIT

Përfaqëson pronarin shtet dhe administron çdo sistem dhe infrastrukture hardware dhe software ne fushën TIK, për institucionet dhe organet e administratës shtetërore nën përgjegjësinë e Këshillit të Ministrave.

Pra AKSHI do te administroje çdo sistem qeveritar ne çdo nivel dhe kudo qe ndodhet. 
Po ta shtjelloj pak seç çka qene dhe çfarë është AKSHi për ata që nuk e dinë
AKSHI është një institucion koordinues i cili bashkërendon punën e institucioneve për shërbimet elektonike dhe ofron shërbimet e përqendruara të Teknologjisë Informacionit për administratën publike.
Pra AKSHI aktualisht koordinon dhe kontrollon implementimin e sistemeve në institucionet publike dhe Administron vetëm ato sisteme teknologjike që janë të përbashkëta dhe nuk janë përgjegjësi specifike e ndonjë Ministrie apo institucioni.

AKSHI është sot autoriteti mbikëqyrës i Bazave te të dhënave shtetërore, ku sipas ligjit përkatës janë te parashikuar rregullat e mbikëqyrjes dhe kundërvajtjet përkatëse.

Por çfarë po gatuan sot qeveria.

Akshi do behet vetë edhe Projektues edhe Administrues, edhe Prokurues edhe Kontrollues edhe Auditues i çdo sistemi të çdo niveli sigurie, publik apo sekret. 
Unë jam i bindur qe dhe vetë autorët e këtij vendimi nuk e kanë kuptuar se çfarë po bëjnë.
Politikbërja, administrimi, kontrolli dhe auditimi në fushën e IT nuk mund te jete tagër i vetëm një institucioni sepse çdo sektor ka specifikat e tij. 
Zhvillimet e TIK ne sektorë e ndryshëm, në dogana, tatime, transport, punët publike, ekonomi, financa, arsim, shëndetësi, polici, siguri kombëtare, kërkojnë ekspertize specifike në sektorët përkatës dhe qasje sektoriale dhe nuk mund të realizohen nga dikush që thjesht mendon se i bën të gjitha.

Administrimi i të gjithë të Dhënave Shtetërore nga një institucion i vetëm i cili është po vetë dhe kontrolluesi dhe audituesi i tyre , komprometon rëndë sigurinë e te dhënave dhe komprometon totalisht gjurmueshmërinë dhe ndarjen e përgjegjësisë ne rast problemesh.

Cenon sigurinë e te dhënave te Shqipetarëve dhe paraqet riskun e madh te kompromentimit te rregullave te sigurisë se sistemeve.
Duke përcaktuar një institucion te vetëm si ne politikëbërjen e TIK ashtu edhe në prokurimet e përqendruara krijon premisat për ti hapur rruge praktikave monopoliste ne fushën e TIK. (J.V/Faxweb)