Epidemia e kullave ka kapur çdo objekt të rëndësisë së veçantë në Tiranë.
Pas kullës tek stadiumi i ri, Këshilli Kombëtar i Territorit ka miratuar ndërtimin e një kulle 9-katëshe ngjitur me Presidencën.
Lajmin e raporton Top Channel, dhe sipas burimeve të këtij televizioni, bëhet fjalë për një projekt të nëntorit 2017. Projekti është vepër e artitektit Stefano Boeri, i cili vlen të përmendet se së fundmi është në probleme me ligjin në Itali, pasi është nën hetim zyrtar nga prokuroria.
Projekti për ndërtimin e kullës 9-katëshe tek presidenca, ka ngritur alarmin tek Garda e Republikës, sipas së cilës cënohet siguria kombëtare.
Sipas projektit thuhet se ngjitur me godinën e Presidencës ku ndodhet parkingu privat do të ndërtohet një pallat 9-katësh, duke shfrytëzuar një sipërfaqe prone 1788 metër klatrorë. Kompania ndërtuese është Invest Society shpk.
Nga ana e Akademisë së Arteve, Klinikës qeveritare dhe ish klinikës qeveritare për shkak të sigurisë së objektit të Presidencës duhet të krijohet një distancë sigurie të lirë me largësi nga muri rrethues prej 50 metër.
Por perimetri i sigurisë nuk është mbajtur parasysh. Sipas projektit të miratuar në Këshillin Kombëtar të Territorit me firmën e kryeministrit Edi Rama, ngjitur me presidencën do të ngrihet një kullë 9-katëshe.
(F.G/Faxweb.al)
Discussion about this post