Siguria ushqimore dhe problemet e produkteve ushqimore në Shqipëri në jo pak raste janë kthyer në një problem shqetësues për të gjithë konsumatorët.
Kjo çështje ka sjellë në studion e Fax News, drejtorin e Federatës së Blegtorisë, Edi Fero.
Fero ka folur lidhur me mangësitë në këtë sektor.
Fero tha se në të gjithë vendin tashmë ka klinika veterinarie por sërish ka probleme me këtë shërbim. Një ndër problemet kryesore sipas Feros është dhe çështja e matrikullimit.
Ai ka shtuar se një tjetër problem që në vitet e mëparshme nuk ka ndodhur është stoku me gjelat e detit.
Fero i bëri thirrje Ministrisë të shpjegojë arsyet pse këtë vit shitjet dhe importi ishin në nivelet më të ulëta.
“Matrikullimi është një nga proceset por nuk është gjithçka. Siguria ushqimore sanksionohet nga ligji. Ka ndryshuar VKM që detyron fermerin të paguajë matrikullimin dhe unë mendoj se është i drejtë. Ligji për shërbimin veterinar duhet të kalojë. Duhet të kemi shërbim në të gjithë vendin. Iu bëj thirrje fermerëve të kryejnë matrikullimin. Ministria duhet të thotë pse nuk u shitën gjelat këtë vit. Vetëm këtu ndodh që drejtorët e AKU-së nuk janë veterinerë.”
(F.G/Faxweb)
