Gjykata Administrative ka pranuar kërkesën e Bujar Sheshit për shfuqizimin e vendimit të dhënë nga Autoriteti i Dosjeve ku shprehej se Bujar Sheshi ishte ish-sigurims i shtetit, me nofkën ”Venus”.
Lidhur me këtë vendim të Gjykatës ka reaguar Genta Sula drejtoreshë e këtij institucioni dhe ka thënë që ky vendim do të apelohet.
Sula është shprehur se vendimi i marrë para 3 muajve ka qenë i paanshëm.
“I qëndrojmë vendimit tonë për Sheshin, ka qenë i paanshëm”, është shprehur Sula.
Autoriteti i Dosjeve kishte konstatuar të dhëna kontradiktore sa i takon verifikimeve të kryera nga ky institucion dhe formularit të aplikimit në lidhje me gjeneralitetet nga Bujar Sheshi.
“Autoriteti për Informim mbi Dokumentet ndeshëm me ekzistencën e dokumenteve kontradiktore për sa i takon të dhënave për shtetasin Bujar Sheshi, si dhe me faktin e njohjes me dokumentin e tërheqjes në bashkëpunim të shtetasit Bujar Sheshi në moshë të mitur (nën 18 vjeç). Në këtë kontekst, u zhvillua dhe procesi i riverifikimit, përmes Drejtorisë së Gjendjes Civile, të gjeneraliteteve të shtetasit Bujar Sheshi (kontradiktore me të dhënat e shënuara në Formularin e Aplikimit nga vetë z. Sheshi”. (Lexo ketu).
Partia Demokratike ishte e para që publikoi dokumentet zyrtare të Autoritetit të Dosjeve, ku prokurori i Krimeve të Rënda, Bujar Sheshi, kandidati i vetëm në dorën e të cilit kishte mbetur ngritja e Këshillit të Lartë të Prokurorisë, figuron të ketë qenë bashkëpunëtor i ish-Sigurimit të Shtetit që në shkollë të mesme.(Lexo ketu).
Discussion about this post