Qeveria kosovare me në krye Isa Mustafën mund të rrëzohet gjatë javës së ardhshme përmes një mocioni në Kuvendin e Kosovës. Sipas burimeve të gazetës “Express” partia NISMA për Kosovën ka siguruar tashmë nënshkrimet e 40 deputetëve.
Pritet që këto nënshkrime t’i dërgohen sot Kryesisë së Kuvendit. Flitet se janë plotësuar kushtet teknike për ngritjen e votëbesimit.
“Këto nënshkrime janë siguruar tashmë”, ka thënë për “Express” një prej njerëzve të përfshirë në procesin e sigurimit të votave për rrëzimin e Qeverisë Mustafa. “Sigurisht edhe deputetë të koalicionit qeveritar e kanë nënshkruar mocionin”.
Kryesia e Kuvendit brenda dy-tri ditësh duhet ta caktojë seancën ku Qeveria e Isa Mustafës do të votëbesohet.
(XH.A/SHUPLAKA)
Discussion about this post