Deputetët e opozitës dhe ata të qeverisë debatuan ditën e sotme edhe në Parlamentin Europian.
Kryetari i komisionit të përbashkët ndërparlamentar Shqipëri-BE, deputeti demokrat, Genc Pollo, kërkoi që komisioni të mos drejtohej më nga Taulant Balla, i cili akuzohet për lidhje me krimin e organizuar, ndërkohë kërkesën e tij e e vijoi me largimin nga mbledhja.
Lidhur me këtë ka folur edhe kryetari i Bashkisë së Tiranës Erion Veliaj, ku po bënte bilancin e punës së tij 3 vjeçare në krye të kryeqytetit.
Sipas tij, ajo që bëri sot opozita ishte se tregoi të palarat e shtëpisë së vet, ndërsa shtoi se ca gjëra duhet të zgjidhen brenda vendit dhe kur të dalim jashtë të vishet kostumi më i mirë.
“E kemi atë turpim o me shajt vendin tonë kur jemi jashtë o na ngec buka në fyt. S’ka pse, është si në shtëpitë tona. Është tani sikur unë të marr pelenat e palara të çunit tim dhe t’i vë në ballkon. Secili rrobat e palara i mban në shtëpi. Nëse ka nevojë që ca gjera t’i sqarojmë le t’i bëjmë brenda vendit. Kur dalim jashtë secili vesh kostumin e tij më të mirë. Nuk kemi ne nevojë t’i xjerrim bojën njëri tjetrit aq më tepër kur janë të sajuara. Ne nuk i zgjedhim dot kundërshtarët tanë. Ne sot punojmë për më të mirën.”, – tha Veliaj.
(B.B/ Faxweb.al)
Discussion about this post