“Jam shtruar në Infektiv”, Silva Bino flet për Fax News: Jam shumë mirë, nuk jam rëndë!

Ditën e sotme u bë me dije se shefja e Epidemiologjisë në ISHP, Silva Bino ka rezultuar pozitive me Covid-19.

Aktualisht Bino gjendet e shtruar në spitalin Infektiv dhe për Fax News ka konfirmuar se nuk është rëndë, por është shumë mirë.

“Unë e shëruar jam besoj tani. Po jam shtruar në Infektiv, por nuk jam rëndë dhe jam shumë mirë. Kam dy ditë. Erdha për tu izoluar më shumë”- është shprehur ajo.

Sakaq ministrja e Shëndetësisë Ogerta Manastirliu i uroi Binos shërim të shpejtë, duke konfirmuar po ashtu se gjendje e saj paraqitet e stabilizuar.

Postimi i plotë: I uroj shërim të shpejtë prof. Silva Binos, që po trajtohet me kujdes e profesionalizëm nga kolegët e saj në spitalin infektiv në QSUT. Mjekët konfirmojnë se gjendja e saj është e stabilizuar. Dr. Bino të presim të na bashkohesh sa më parë.