Simeone i jep mundësinë talentin shqiptar Kejdi Bare të luajë me ekipin e parë, e merr me vete në fazën përgatitore

Mesa duket talenti shqiptar kejdi Bare do të mund të ketë një shanas të luajë në Ligën e parë të kampionatit spanjoll.

Pasi ka arritur përherë e më shumë të fitojë vëmendjen e Diego Simeones, tekniku ka zgjedhur që ti japë atij një mundësi me ekipin e parë.

Sipas listës së publikuar sot në Spanjë, Atletiko do të fillojë përgatitjet të enjten në mëngjes me 20 lojtarë të cilët do të vihen nën urdhrat e Simeones. Mes tyre është edhe emri i Bares, i cili është përzgjedhur për të treguar se e meriton më shumë një vend në skuadër sesa futbollistët të cilët janë kthyer nga huazimi apo lojtarë të tjerë nga akademia.

Në një sezon ku Atletiko Madrid nuk mund të bëjë blerje gjatë verës, futbollistëve të rinj pritet t’u jepen më shumë hapësira. Ndaj fillimi i fazës përgatitore me ekipin e parë mund ta ndihmojë Baren që të bëhet përfundimisht pjesë e grupit të Atletikos në sezonin në vijim.

(E.K/SHUPLAKA)