Kryeministri Edi Rama gjatë ditës së sotme ndodhet në qytetin e Lezhës, për dëgjesën publike të radhës. Gjatë bashkëbisedimit, një qytetar i është ankuar se nuk po arrin të marrë një çertifikatë toke, duke ndjekur kështu shembullin e të moshuarës në Berat, pas deklaratës të së cilës u shkarkua nga detyra kreu i ALUZINIT në këtë qytet.
Qytetari i tha kryeministrit se duhet t’i paguajë rreth 1 milion lekë hipotekës për të marrë çertifikatën.
“Kam probleme me hipotekat. Shkova të bëja dokumentet e pronësisë së tokës, dhe në zyrë jurist ishte djali që ju e bëtë deputet. Pasi më shpjegoi dokumentet që duhet të bëja, i kopsita të gjitha. Por fati im i keq që kur shkova, juristi ishte ndryshuar se ju e bëtë deputet. E në vend të tij kishte shkuar një sekser. Një sekser i tmerrshëm si i kohës së PD-së. Dhe më tha, po nuk pagove lekë, s’ka certifikatë pronësie.
S’ke as ku të ankohesh, se Prokuroria është me ta. Me i vu përgjues i kuptoni mirë ju, janë stërvitur që në kohën e Sali Babës, kohën e dreqit.
Kam qenë me LSI-në, por pastaj jam lutur që mos fitojë LSI-ja, që të fitoni ju dhe ju fituat. U bëra me LSI-në se ajo i shkon punëve deri në fund,” tha qytetari. (D.D/Shuplaka)
Discussion about this post