Sinan Hoxha tregon vështirësitë e jetës: Nuk dija ç’ishte dushi, ika që 14 vjeç në Greqi nëpër male

Sot ai është një nga këngëtarët më të famshëm shqiptar dhe mund të themi që bën një jetë super luksoze së bashku me bashkëshorten e tij, Andrra Destanin.

Mirëpo jo gjithçka ka qenë kaq e thjeshtë për Sinan Hoxhën.

Kur ishte i vogël, si të gjithë shqiptarët edhe ai ka marrë rrugën e emigracionit.

I ftuar në emisionin “Boom”, mbrëmjen e së premtes, Hoxha ka rrëfyer të gjitha vështirësitë që ka hasur në jetë para se të bëhej i famshëm.

“Vajta në Greqi për herë të parë nga vitet 90. Ishte koha kur këta tanët nuk të linin në kufi, kurse greku të priste. Isha shumë i vogël, nja 14-15 vjeç dhe vajtëm atje, kalo një mal, kalo një kodër, baltë e shi ishim bërë ne telef pa bukë. Një familje më pa atje dhe tha “krima”. Krima do të thotë i vogël. Më mori në shtëpinë e vet dhe më futi brenda. Më tha do lash 3-4 makina tek ai dyqani që shisnin makina. Më shumë më mori për gjynah se unë isha i vogël dhe nuk është se do bëja punë, u erdhi keq.

Ne ishim mësuar laheshim me kanaçe. Para se të shtronin drekën thanë që ky do hajë me ne. Unë kisha mësuar disa fjalë greqisht. Me thanë para se të hamë buku futu bëj një dush se jë bërë pis. Futem unë tek dushi, nuk e dija çfarë ishte dushi. Pashë një çezmë aty, e hapa unë akull uji…prit se po ngrohet s’ka, prit se po ngrohet s’ka. E mbylla! Thashë prit se mos është kjo tjetra?! Hapa atë, valë ai. Prit se po vjen tamam …po unë nuk e dija që ato duhet të kombinoheshin të dyja. Si përfundim u lava me ujë të ftohtë. Kur doola po dridhesha dhe zonja mendoi se mos isha i sëmurë. Ishte uji i ftohtë.i thashë. Pse i ftohtë tha, ka ujë të nxehtë! Jo i thashë ka dy alternativa, ose akull fare ose me u përvelu sa të përvëlohesha me mire u lava me uje te ftohtë,”- tregoi këngëtari.

Ky emigrim edhe pse më vështirësi ka qenë një hap i rëndësishëm për Sinanin pasi u kthye dhe hapi biznes.

“Kur u ktheva nga Greqia u ktheva me 800 mijë dhrami, afërsisht 4 mln lekë, po 4 mln lekë ishin shumë në atë kohë. Sa erdha unë, vëllai tha do bleme një makinë. Si përfundim vëllai kishte një shok nga Korca që na ka ndihmuar shumë. Ai tha se do bëni një biznës, furrë buke. Ai na ndihmoi habëm një furrë bukë, më pas bëmë dy dhe ishim të parët në Tiranë që hapëm furrat e bukës.”- rrëfeu Hoxha.

(F.M/Faxweb)