Sonila Alushi është një sipërmarrëse shqiptare që jeton në Itali. Ajo risjell sot në profilin e saj ngjarjen e shëmtuar të vitit të kaluar me policin grek. Me origjinë nga Çamëria ajo vendos të bëhet pjesë e grupit të xhirimit të emisionit ”Radici”, për të shkuar drejt tokës së ndaluar, por aty ndalohen nga policia greke në Margëllic.
Ajo u bë personazh kryesor në dokumentarin , “Rrënjët, faqja tjetër e emigrimit” që transmeton ”RAI 3” prej katër vjetësh në televizionin italian. Davide Demichelis, i cili në bashkëpunim me Alessandro Roca-n, ka shoqëruar protagonistët në vendin e origjinës për të zbuluar bashkë me ta nga cili ambient vijnë e për të treguar më pas se si jetojnë ata në Itali dhe si janë integruar.
”Po e përshkruaj me pak fjalë, të cilat i kam shprehur herën e parë që vizitova tokën çame bashkë me familjen time. Kur isha atje, para shtëpive të rrënuara e të braktisura, ndjeva të shprehem kështu: Italia ka shijen e bukës, mbi të gjitha atë të bukës së fëmijëve të mij. Tirana është e ëmbël si bakllavaja e mamit, e ëmbël si fëmijëria ime. Çamëria është e hidhur si ullinjtë, si kafeja e gjyshes, si dhimbja e saj!”, i thotë gazetarit italian Alushi, e cila është nënë e dy fëmijëve, Enianit dhe Deas.
Grupi i xhirimit shkoi drejt Margëlliçit, në shtëpinë e rrënuar të gjyshërve të saj por polici grek u ndërpret xhirimet dhe i urdhëron ta shoqërojnë në polici.
“Dje vizituam Margëlliçin (Margariti), Çamërinë, tokën e gjyshërve të mi. Sikur të mos mjaftonte dhimbja që ndjeva duke parë përsëri ato shtëpi të pajeta, m’u desh të duroj dhe pyetësorin e pakuptimtë e të padrejtë të policisë së vendit: gjatë xhirimeve, një tip arrogant që më pas u identifikua si polic civil, na ndërpreu punën dhe shoqëroi në polici! Por, “sigurisht” që problemi ishim vetëm unë dhe shoferi që jemi shqiptarë, pjesa tjetër e grupit, qytetarë italianë, mund të rrinin të qetë madje ju ofrua edhe kafe! Pra, prej eksperiencës personale dhe të freskët fare, mund të konfirmoj që policia greke e zonave në kufi, vazhdon me këto sjellje të ulta kundrejt ne shqiptarëve dhe ky fakt tregon qartë sa shumë u djeg ende Çështja Çame.”, rrëfen Sonila Alushi.
Një vendim selektiv, për të kontrolluar pjesën shqiptare të grupit dhe jo italianët. Ja si e komenton Alushi më tej:
“Duke marrë gjithmonë parasysh që ky dokumentar nuk ka për qëllim trajtimin politik të kësaj çështjeje, por thjesht tregimin dhe dokumentimin e historisë time, ju informoj me kënaqësi që mbi këtë fakt do të flitet dhe tregohet më shumë se ç’ishte në planet e mëparshme të RAI-t. Edhe pse na ndaluan në mes të punës, ne gjithësesi arritëm të filmonim aq sa na nevojitej. Për Çamërinë, për historinë dhe genocidin ndaj të parëvë të mi, do të tregohet sidomos nga zëri i gjyshes time, babait, dhe xhaxhait tim. U ndjeva shumë keq për diskriminimin evident që jetuam ne, dy shtetasit shqiptarë, por nga ana tjetër, më vjen mirë që ç’ka i kisha treguar grupit të RAI-t mbi këto sjellie të policisë greke në Çamëri, patën mundësinë t’i vërtetojnë personalisht. Ndaj po, mbi këtë sjellje do tregohet. Mbi Çamërinë do të flitet dhe në mos gaboj, për herë të parë në RAI 3.” (V.G/SHUPLAKA)
[ngg_images source=”galleries” container_ids=”271″ display_type=”photocrati-nextgen_basic_imagebrowser” ajax_pagination=”1″ order_by=”sortorder” order_direction=”ASC” returns=”included” maximum_entity_count=”500″]
https://www.youtube.com/watch?v=1MD4IuS3g1A
Discussion about this post