Pavarësisht spekulimeve, sekretari amerikan i Shtetit, Rex Tillerson ka zhvilluar një takim me presidentin rus Vladimir Putin.
Tillerson ndodhet në Moskë për një vizitë në kuadër të çështjes siriane.
“Presidenti rus Vladimir Putin është takuar me sekretarin amerikan të Shtetit, Tillerson dhe ministrin e Jashtëm rus Lavrov në Kremlin”, ka thënë zëdhënësi i Presidencës ruse Dmitry Peskov.
Ai nuk ka dhënë hollësi se për çfarë kanë diskutuar tre personalitetet. Më herët gjatë ditës, Tillerson zhvilloi një takim me homologun rus Sergej Lavrov.
Diplomati i lartë amerikan po viziton Moskën në mes të një konflikti midis dy superfuqive për përdorimin e armëve kimike në Siri.
Shtetet e Bashkuara fajësuan qeverinë siriane për sulmin me gaz sarin që u shkaktoi vdekjen më shumë se 70 personave, kryesisht gra dhe fëmijë. SHBA-të goditën me raketa një bazë ajrore siriane. (E.K/SHUPLAKA)
Discussion about this post