Ish-deputeti socialist Koço Kokëdhima sulmon qeverinë dhe partitë, mes të cilave dhe PS-në, lidhur me mosfunksionimin e sistemit. Po kështu ish-deputeti ka sulmuar edhe kryetarët e partive të mëdha, duke kritikuar indirekt edhe Ramën.
”Sistemi ynë politik, i dështuar dhe i kalbur”, thotë Kokëdhima.
”Gjatë bashkëbisedimit me emigrantët në Athinë ishim në një mendje: sistemi politik në Shqipëri nuk është gjë tjetër, veçse ajo që quhet partitokraci; një sistem politik i dështuar e i kalbur, ku populli është i zhveshur totalisht nga çdo e drejtë dhe nga të gjitha pushtetet. Populli, sipas tyre, duhet vetëm të votojë, por jo të zgjedhë. Zgjedhjet dhe pushtetet i kanë përqendruar në duar kryetarët e partive të mëdha. Asnjë pushtues nuk do ja kishte bërë këtë të keqe popullit shqiptar.”, thotë Kokëdhima në videon që risjell.
Ish-deputeti u përjashtua nga funksionet e PS-së por po vazhdon veprimtaritë e tij politike edhe pas sulmeve të drejtuesve në Vlorë.(V.G/SHUPLAKA)
Discussion about this post