Hapja graduale pas kárántinës pritej të shoqërohej me një rritje të numrit të të infektuarve por u tejkaluan pritshmëritë e supozuara nga Komiteti i Ekspertëve anti-Covid. Ky ishte një nga shqetësimet e shprehura nga përfaqësuesja e Ministrisë së SHëndetësisë gjatë një takimi në Shkodër në kuadër të shpërndarjes së ndihmave për Spitalin Rajonal.
Aktualisht pacientët me koronavirus po trajtohen në spitalin Covid-1, por në qoftë se do të jetë nevoja Ministra e Shëndetësisë ka marrë masa për kthimin e spitaleve rajonale të qarqeve në spitale me funksion të vetëm luftën kundër koronavirusit. Drejtori i Spitalit te Shkodrës Ardian Dajti u bëri sërish thirrje qytetarëve për respektimin e masave të distancimit social dhe ruajtjes të higjenës.
Kujtojmë se 78 raste të reja me Covid 19 janë zbuluar në 24 orët e fundit në vendin tonë, ku numrin më të lartë të prekurve ditorë e ka Shkodra, dhe pas saj Kruja e Tirana.
Ndërkohë që në spitalin infektiv aktualisht po trajtohen 76 pacientë, 14 prej tyre janë në terapi intensive, ndërsa 2 janë të intubuar. Lajmi i mirë është se në 24 orët e fundit janë shëruar 33 qytetarë, duke e çuar në 1250 numrin e të shëruarve që nga fillimi i epidemisë.
Discussion about this post