Ditën e djeshme me anë të një statusi në rrjetet sociale Valbona Mezini, anëtarja e Kryesisë së PD-së u shpreh se partia Demokratike tashmë është kthyer në një pronë publike të përbashkët.
E ftuar në Fax Neës, Mezini foli për të njëjtën çështje.
Sipas saj kriza brenda partisë vijon të jetë ende prezente, dhe kjo për arsyen se sipas saj lidershipi aktual nuk inspiron besim të mjaftueshëm për qeverisjen e vendit.
“ Ne jemi në një vend ku çdo njeri ka të drejtë të ketë një mendim ndryshe nga tjetri e të shprehë idetë e veta.
Por në fakt na imponohet e kundërta. Dhe kjo pasi Shqipëria është një vend i marrë peng nga qeverisja e majtë.
Nëse sot do të kërkojmë llogari ndaj qeverisë, duhet ta fillojmë nga opozita. Nëse i kërkoj llogari partisë time, do të thotë që un nuk dua që pd tu ngjajë qeverisësve aktualë.
Nesër shqiptarëve duhet t’u ofrojmë një qeverisje më të mirë se hajduti i sotëm. Brezi i ri e ka gjithë përgjegjësinë për të demokratizuar strukturat.
Shqetësimi im është ky: Duhet të kemi rregulla të qarta dhe të barabarta loje brenda PD-së.
Mendoj se mbledhja e 28 prillit është vendosur shumë herët.
Le të mblidhet sërish kryesia edhe këshilli kombëtar.
Për të disdkutuar situatat në të cilat ndodhet vendi.
Sepse përpara kemi një qeveri të angazhuar krejtësisht në krimin e vet.
Pra meraku im si anëtare kryesie është a do të mundemi ne që të ndërtojmë struktura që të mos i përdorim për gjueti shtrigash.
Për aq kohë sa kemi qëllime të përbashkëta, dhe kemi rregulla të përbashkëta loje ne i shërbejme shqiptarëve.
Qëllimi nuk është t’i bëjmë fresk emrit që drejton PD-në,”- tha Mezini.
Përsa i përket mënyrës së qeverisjes nga Lulzim Basha sipas Mezinit ka munguar meritokracia këto katër vite.
“Fakti që Basha disa statute i ka anshkaluar pasi ka marrë vendime pa konsultime.
Kam një pozicion që nuk interferon dot në punën e lidershipit.
Un do ta përbashkoja qëllimin tim me atë të Sali Berishës.
Që është forcimi dhe bashkimi i PD-së, për të ardhur në pushtet dhe për t’i shërbyer popullit.
Popullit i duhet një alternativë më e mirë qeverisëse.
Madje mendoj se edhe rikthimi dhe prezenc a eBerishës në PD, nuk do të ishte e mjaftueshme.
Prania e Berishës do të luantë një rol fondamental në lidhje me ecurinë e PD-së, por është shumë pak e mjaftueshme.
Sot ka një krizë besimi nga brenda.
Kjo na çon drejt nevojës për të riparë statutin.
Mbledhja e kuvendit kombëtar nuk dihet ende nëse do të jetë për një ndryshim statuti apo për një çcështje politike.
Pasi në këtë mënyrë ne i shërbejmë gjuetisë së shtrigave dhe anashkalojmë rolin tonë.
Qëllimi i të majtës ka qenë që të vijë në pushtet jo t’i shërbejë integrimit të vendit.
PD-ja ka nevojë për një lidership të besueshëm dhe më të mirë se ky që është,”- përfundoi Valbona Mezini.
(F.M/Faxweb)
Discussion about this post