Vrasjet masive të civilëve në Alepo të Sirisë kanë ngjallur indinjatë të thellë në të gjithë botën. Ndërkohë që nga Tirana zyrtare nuk ka patur asnjë deklaratë apo reagim, i pari politikan i nivelit të lartë që reagon nga Shqipëria është ish-kryeministri Sali Berisha.
Përmes një postimi në rrjetet sociale, Berisha akuzon drejtëpërdrejt Bashar Al Assad-in dhe Vladimir Putin si përgjegjësit kryesorë për masakrën në Alepo.
Një foto që dëshmon njërën nga mijëra skena të krimeve kundër njerëzimit dhe genocidit që po kryejnë në Alepo diktatori i Damaskut dhe Cari i Kremlinit”, shkruan Berisha në Facebook.
Armëpushimi i arritur me ndërmjetësimin e Rusisë, aleatit më të fuqishëm të Assadit, dhe Turqisë u duk se do t’i jepte fund luftimeve 4-vjeçare për kontrollin e qytetit, si dhe i dha një fitore tepër të rëndësishme udhëheqësit sirian në konfliktin civil mbi 5-vjeçar të vendit. Por forcat siriane nisën bombardimin e zonave të kontrolluara nga rebelët mëngjesin e sotëm, në atë që Rusia tha se ishte kundërpërgjigje ndaj sulmeve të rebelëve.
Postimi i Berishës:
Discussion about this post