Mbrëmjen e kaluar, autoritetet vendore dhe institucionet përkatëse kanë raportuar një përmirësim të dukshëm të situatës në Qarkun Durrës pas motit të keq që preku rajonin.
Përgjatë ditës së sotme, janë ndërmarrë masa për normalizimin e situatës:
•Gjendja e rrugëve: Pothuajse i gjithë qarku është i kalueshëm, me përjashtim të segmentit që lidh fshatin Shkretë me aksin Krujë-Noje-Cudhi Kamp, i cili mbetet pjesërisht i bllokuar. Ndërhyrjet për hapjen e plotë do të vazhdojnë nesër, duke përfshirë edhe mjete të firmës kontraktore të rrugës Krujë-Sarisalltik. Në zonat malore, lëvizja mundësohet vetëm me goma dimërore për shkak të ngricave.
•Furnizimi me shërbime: Energjia elektrike dhe uji janë rikthyer në normalitet në të gjithë qarkun.
•Lumenjtë: Niveli i ujit në lumenjtë Erzen dhe Ishëm ka rënë ndjeshëm gjatë ditës.
Autoritetet lokale vijojnë monitorimin dhe mbeten në gatishmëri për çdo situatë të mundshme emergjente.
Për çdo zhvillim të ri, publiku do të informohet në kohë.
