Ministri i Energjitikës Damian Gjiknuri ka inspektuar HEC-in e Vaut të Dejës pas situatës kritike në Shkodër me përmbytjet të shkaktuara nga reshjet e dendura .
Gjiknuri ka thënë se situata me permbytjet në Nën-Shkodër ka ardhur nga reshjet dhe jo nga HEC-et. Gjiknuri tha se rregullorja po zbatohet me përpikmëri dhe se do të ketë shkarkime por pa rrezik përmbytje sin ë 2010-2011.
Ai foli edhe për dëmshpëblimet e banorëve “Dëmshpërblimet banorëve ua kemi bërë për përmbytjet e shkuara edhe pse nuk kam qenë dakort me atë që u vendos asokohe pasi ju ngarkua KESH-it”, ka thënë Gjiknuri.
Ministri deklaroi se shkarkimet jane te kontrolluara
“Shkarkimet jane të kontrolluara në 1400 meter/ kub në sekondë. Janë të detyrueshme pasi jemi përballë prurjeve të shumta që ka kaskada nga reshjet dhe shkrirja borës. Fierza është në kuoten 295 metra, mund të lejohet maksimumi deri 296 metra. Prandaj shkarkime do ketë por pa rrezik për përmbytje masive si ne 2010-2011”, u shpreh ai.
Kujtojmë që pak më parë ishte kryetarja e Bashkisë Shkodër Voltana Ademi e cila kërkoi zyrtarisht shpalljen e gjendjes së jashtëzakonshme pasi rrezikohej jeta e popullatës. (B.H/Faxweb)
