Kreu i Partisë Demokratike, Lulzim Basha ka reaguar lidhur me gjendjen në të cilën ndodhen dhjetra familje në Korçë për shkak të dëmeve që kanë pësuar banesat e tyre nga tërmeti i fuqishëm që ka rënë.
“Qindra banesa janë dëmtuar nga tërmeti që goditi në orët e para të mëngjesit rajonin e Korçës… Duhet shpallur menjëherë gjendja e jashtëzakonshme në zonën e goditur dhe duhen dedikuar urgjent fonde për shtëpitë e dëmtuara”, shkruan ndër të tjera Basha.
Ai gjithashtu ka kërkuar shpalljen e menjëhershme të gjendjes së jashtëzakonshme në zonën e goditur, duke shtuar se duhen dedikuar urgjent fonde për shtëpitë e dëmtuara.
Reagimi i plotë:
Qindra banesa janë dëmtuar nga tërmeti që goditi në orët e para të mëngjesit rajonin e Korçës. Shumë banorë kanë mbetur në qiell të hapur dhe qindra të tjerë janë në panik se çfarë do të ndodhë me banesat e tyre. Gjithçka kishin ndërtuar me sakrificë të madhe është shkatërruar.
Duhet shpallur menjëherë gjendja e jashtëzakonshme në zonën e goditur dhe duhen dedikuar urgjent fonde për shtëpitë e dëmtuara. Familjeve të mbetura në mes të katër rrugëve dhe në gjendje tronditje dhe pamundësie totale shteti duhet t’ju ofrojë menjëherë ndihmë financiare dhe ushqim e strehë. Nuk duhet humbur asnjë çast për shkak të paaftësisë apo lojrave politike, por duhet vepruar menjëherë dhe me veprime konkrete për të ndihmuar banorët e goditur.
Familjeve të mbetura në mes të katër rrugëve dhe në gjendje tronditje dhe pamundësie totale, shteti duhet t’u ofrojë menjëherë ndihmë financiare dhe ushqim e strehë.
(F.GJ/FAXWEB.AL)
