Diplomati Besnik Mustafaj, ka komentuar situatën paszgjedhore në Kosovë.
Ai ka deklaruar se gjasat janë pavarësisht këtij rezultati Haradinaj mund të bëhet kryeministër dhe se ai është i pranueshëm për ndërkombërtarët.
Mustafaj deklaron se zgjedhja e Haradinajt si kryeministër do të jetë një moment dramatic për Serbinë.
“Haradinaj është i pranueshëm për komunitetin ndërkombëtar, ai ka kaluar gjyqe të ashpra dhe ka fituar pafajësinë, për Serbinë zgjedhja e tij si kryeministër do të jetë një moment dramatik.
“Mos harrojmë se Ramushi ka një objektiv, siç është krijimi i ushtrisë së Kosovës. Do jetë një moment që do ketë tensione edhe me përfaqësuesit e minoritetit serb, që instrumentalizohen nga Beogradi. Pikë tjetër delikate do jetë fakti që ata do detyrohen për hir të dialogut të ulen në bisedime me të. Kujtojmë se Beogrdi e cilësoi lajm të keq fitoren e koalicionit. Prokuroria dhe institucionet serbe nuk i kanë tërhequr akuzat ndaj tij. Se sa do jenë të gatshëm të ulen me një njeri që e kërkojnë përmes Interpoliti dhe policisë së tyre, këtë se di, por do jetë një moment dramatik për ta”, ka thënë Mustafaj.
Diplomati shqiptar ka komentuar sot në studion e lajmeve në Neës 24 edhe mundësinë e koalicioneve paszgjedhore.
Ai tha se edhe nëse VV hyn në koalicion me PDK, AAK dhe Nisma, kryeministër do të bëhet Haradinaj.
VV-në e cilësoi si një parti koherente dhe që nuk është e njollosur nga korrupsioni.
“Edhe në rast se VV-ja pranon të bashkëqeverisë me tre forcat e sipërpërmendura Haradinaj do të mbajë postin e kryeministrit.
Ata qeverisin vetëm Prishtinën, është një lloj shteti i vogël brenda shtetit. Kjo parti ka disa cilësi, pasi ka fituar në qytetet kryesore, është bërë thellësisht forcë urbane. Kjo është një parti e cila në historinë e saj ka një koherencë që nuk e kanë partitë e mëdha. Është parti pa njolla korrupsioni”, tha ai.(B.H/Shuplaka)
Discussion about this post