Themeluesi dhe drejtuesi i Lëvizjes “Zgjidhja” në PS, Koço Kokëdhima u takua sot në orën 13.00, me kryetarin e Partisë Socialdemokrate, Skënder Gjinushi.
Pas takimit që zgjati rreth 90 minuta, Kokëdhima deklaroi se bisedë e takimit ishte situata politike në vend. Takimi i Kokëdhimës me Gjinushin u bë një ditë pas takimit me kreun e Partisë Agrare Ambientaliste, Agron Duka, ku u shkëmbyen pikëpamjet për zhvillimet e ditëve të fundit.
PSD-ja, prej vitit 1994 ishte pjesë e kaalicioneve të majta në Shqipëri për zgjedhjet parlamentare dhe vendore, ndërsa Gjinushi ishte kryetar i Kuvendit të Shqipërisë në periudhën 1997-2001.
Në zgjedhjet parlamentare të 23 qershorit 2013, PSD ishte pjesë e koalicionit me 38 parti që u bashkuan me PS-në në Aleancën për Shqipërinë Europiane (ASHE), por nuk u përfshi në qeverisjen qendrore dhe në nivel local, çka solli edhe daljen më vete të socialdemokratëve në zgjedhjet vendore të qershorit 2015. (J.V/Shuplaka)
