Një zjarr i përmasave të mëdha ka rënë në një servis automjetesh në Durrës, ku për pasojë raportohet se mbi pesë makina kanë marrë flakë.
Ndërkohë situata në vendngjarje paraqitet alarmante, pasi flakët nuk janë vënë nën ende nën kontroll nga forcat zjarrfikëse.
Dëri më tani në vendgjarje kanë shkuar 5 forcat zjarrfikëse, ndërkohë që kërkohet ndihmë edhe nga Tirana.
Servisi ndodhet në vendin e quajtur Xhafzotaj, ndërkohë që përreth zonës ka edhe banesa që rrezikojnë nga flakët të cilat nuk janë shuar.
Burime për Faxweb.al bëjnë të ditur se zjarri ka rënët tek kabina e rojes dhe shkak është bërë një rezistencë.
Nuk dihen ende shkaqet e këtij zjarri, ndërkohë që po punohet për të lokalizuar flakët.
Durrës/Informacion paraprak
Më datë 01.02.2020, rreth orës 19:55, në Rrushbull, sa kalon shinat e trenit, ka rënë zjarr në një servis për shitje pjesë këmbimi për automjete.
Në vendngjarje kanë shkuar 5 makina zjarrfikëse ku aktualisht është bërë e mundur izolimi i përhapjes së mëtejshme të flakëve.
Forcat e Ndërhyrjes së Shpejtë të Tiranës, shërbimet e Drejtorisë Vendore të Policisë dhe të Komisariatit të Policisë Durrës po evakuojnë banorët përreth, duke i larguar nga jashtë perimetrit të sigurisë .
Shërbimet e Policisë rrugore të Durrësit kanë marrë masa për devijimin e qarkullimit dhe mos lejimin e kalimit të asnjë automjeti në afërsi të servisit të përfshirë nga flakët.
Në vendngjarje ndodhet dhe grupi hetimor, ku vijon puna për zbardhjen e rrethanave të rënies së zjarrit në këtë servis.
Vijon puna për shuarjen e plotë të zjarrit.
(M.Q/Faxweb.al)
