Pas kundërshtimit të votimit të listës për Vettingun nga deputetja demokrate Jozefina Topalli, kryeministri Edi Rama i është kundërpërgjigjur Topallit, duke i thënë se nuk është faji i tij që do mungojë në sesionin e ardhshëm parlamentar, duke thumbuar: ”Vetëm mos të shkojë mendja që unë dhe Luli flasim për ty. Nuk je fare në axhendën tonë!
TOPALLI: Ka njerëz kamikaz të kryeministrit…këto tani do bëjnë procesin e Vettingut, po ju nuk i dini.
Jo zotëri unë nuk e votoj! Pa folur që kjo listë është antikushtetuese, po votoni një që aktualisht është kryetar partie. Do kenë mandat 9-vjeçar dhe rroga dyfishi i tyre dhe numri i tyre sa anëtarët e parlamentit. Ju falenderoj!
RAMA: Jozefinë unë i hodha një sy listës që nuk e kam parë ndonjëherë… (flet Topalli nga vendi)
RAMA: Jozefinë të lutem se të dëgjova me shumë vëmendje dhe ta them sinqerisht se do më mungosh shumë në sesionin e ardhëshm po ky nuk është faji im unë kam bërë të pamundurën për të dalluar, por kjo është fatura që duhet t’i paguani konformizmit dhe që u futët në çadër edhe tani s’kemi çfarë bëjmë Jozefinë.
Kjo është jeta, edhe ti do paguash çmimin e konformizmit tënd edhe bën sikur je e vërtetë!
RAMA: Ina Rama nuk është mikja ime por më vjen mirë që i kemi dhënë mbështetje sepse është shembulli se si dikujt i janë shkelur të drejtat, njoh Albana Shtyllën dhe Sokol Çomon por të tjerët nuk i njoh.
Më vjen keq që e mbylle kështu këtë parlament por jam i bindur që do kthehesh këtu bashkë me Astritin, por ky vetingu ka mbështetjen e të gjithëve qytetarëve të majtë e të djathtë dhe është vonuar për shkakun tënd dhe është i vonuar por jam i bindur çfarë ke mbjellë do ta korrësh sot! Vetëm mos të shkojë mendja që unë dhe Luli flasim për ty. Nuk je fare në axhendën tonë!
TOPALLI: ky do jetë një dështim i madh historik ndërkohë që ishte mundësia për të bërë një reformë historike por nuk do të ndodhë kështu sepse është bërë për të mbyll hesapet kryetarët dhe ato prokurorët do jenë edhe më të lumtur.
(V.G/SHUPLAKA)
Discussion about this post