Sot është dita e pestë e grevës në Zharrëz, ku qytetarët janë mbledhur për të kërkuar dëmshpërblimin e premtuar nga qeveria, pas dëmtimeve të pësuara si pasojë e lëkundjeve të një muaji më parë, të shkaktuara nga kompania “Bankers Petroleum”.
Pavarësisht se ditë pas dite raportohet për të sëmurë, njerëz që i bie të fikët apo që dërgohen me urgjencë në spital, grevistët paraqiten tepër të vendosur për t’i shkuar deri në fund.
“Nisma Thurje” ka publikuar një video nga Zharrëza, ku grevistët e mbushur me mllef kundër qeverisë bëjnë deklarata shumë të forta.
“Pushtetarët nuk i mbajtën premtimet, na mashtruan. Mos vallë ai zoti Gjiknuri apo deputetja e zonës, Antoneta Dhima, këto lekë që hedhin këto kompanitë, I pregatisin t’I kenë për ti hedhur gjatë fushatës elektorale. Por nga hundët kanë për t’ju dalë se edhe ne nuk lëvizim që këtu. Ta dinë edhe këtë.”, thotë një nga grevistët.
Ndërsa një tjetër, i cili flet me tonalitet më të lartë, shton se do vdesin të gjithë sëbashku, por nga greva nuk heqin dorë.
Këtu në qarkun e fierit, nga Antoneta Dhima, të gjithë këta maskarenj e kriminela po tallen me ne e me fëmijët tanë. Ku është ky popull… Ne e kemi vendosur, të gjithë sëbashku këtu do vdesim.”, thotë ai. (D.D/Shuplaka)
Discussion about this post