Kukësit i duhet të harrojë shpejt eliminimin nga Champions League ditën e djeshme nga skuadra e Sherif Tiraspolit dhe të mendojë për ndërtimin e ekipit të së ardhmes.
Kampionët duhet të mendojnë për rinovimin e kontratave me disa nga lojtarët titular për të ruajtur boshtin e skuadrës për sezonin e ri.
Shumë lojtarëve, përfshirë edhe trajnerin Ernest Gjoka u përfundojnë kontratat pas impenjimit në Kupat e Europës dhe tani do të ketë takime dhe bisedime intensive mes palëve për të diskutuar nëse do të qëndrojnë te Kukësi apo do të largohen nga ekipi.
Ernest Gjoka, Izair Emini, Enea Koliçi, Ylli Shameti, Nijaz Lena dhe Pero Pejiç janë disa nga emrat kryesor të ekipit të cilëve u skadon kontrata.
Ende është e paqartë nëse ata do të qëndrojnë apo do largohen nga Kukësi. Gjithçka pritet të vendoset pasi ata të diskutojnë me presidentin Safet Gjici.
Kukësi u eliminua dje nga Europa edhe pse fitoi me rezultatin 2-1 ndaj Sherif Tiraspolit, kjo sepse në ndeshjen e parë ekipi I Sherif kishte fituar me rezultatin 1-0. (B.H/Shuplaka)
