Presidenti i Katalonjës, Carles Puigdemont, pritet që të shpallë pavarësinë e Katalonjës sot, e planifikuar për në orën 18:00 mbledhja e Kuvendit është shtyrë me 1 orë.
Ndërkohë që mijëra njerëz kanë dalë në rrugë, policia katalanase ruan parlamentin rajonal dhe dhjetëra traktorë janë parë jashtë parlamentit katalanas. Në Barcelonë është prezente edhe policia kombëtare spanjolle.
Madridi më herët i ka bërë thirrje presidentit separatist të Katalonjës, Carles Puigdemont për të mos ndërmarrë vendime të pakthyeshme.
“Dua t’i kërkoj Puigdemont që të mos ndërmarrë asgjë të pakthyeshme, që të mos nisë asnjë rrugë pa kthim, që të mos bëjë asnjë deklaratë të njëanshme për pavarësi dhe që t’i rikthehet ligjshmërisë”, deklaroi për median, Inigo Mendez de Vigo.
Kujtojmë që në referendumin e mbajtur 90% e katalanasve votuan për shkëputje nga Spanja. (B.H/Shuplaka)
Discussion about this post