Aspak e mirë është paraqitur situata në PD këto ditët e fundit. Humbja në zgjedhjet e së dielës ka nxjerrë në skenë pakënaqësitë e para në rradhët e figurave të rëndësishme të asaj partie.
E sikur të mos mjaftonte gara për kryetarit të ri që pritet të mbyllet në 22 korrik një prej koordinatorëve në PD ka dhënë dorëheqjen nga funksioni i tij në Parti.
Është fjala për Besnik Aliajn. Këtë e ka bërë të ditur përmes një postimi në rrjetet sociale, duke theksuar që do të vijojë të jetë një anëtar i thjeshtë në PD.
“Miq pas rreth 2 viteve si koordinator i politikave të territorit në PD dhe pas zgjedhjeve të fundit ku u përpoqa te jap kontributin tim modest, largohem nga cdo “funksion” imi në PD dhe ja lë rradhen të tjerëve më të zotë që të kontribuojnë.
Do vijoj ndërkohë të jem pjesë e PD si antar i thjeshtë. Gjithë të mirat për ju. Respekt për zgjedhjen tuaj si për ata që më kanë mbështetur dhe simpatizuar, edhe për ata që më kanë keqkuptuar ose sulmuar. Në çdo rast kjo botë ka vend për të gjithë!”, shkruan Aliaj.
(E.K/SHUPLAKA)
Discussion about this post