Në ditët e sotme është bërë krejt normale që për shumë këngëtare të reja mediat dhe gazetarët të shprehen shpesh “diva e skenës”, “diva e muzikës”.
Moderatori Ermal Peçi ndau me këngëtaren e njohur Rovena Dilo këtë diskutim në programin “Një kat më lart”. Duke e pyetur nëse abuzohet sot në tregun tonë me këtë etiketim, Rovena nuk u përmbajt.
“Fjala divë është një fjalë shumë e bukur dhe shqiptarët kanë filluar të përdorin fjalët më të bukura për këdo. Është nje konsumim i madh. Diva në konceptim e saj është një lifestyle. Jo çdokush mund të jetë një divë, asnjë një 20 vjeçare, asnjë me një ose dy këngë s’mund të jëtë një divë” – tha Rovena gjatë programit.
Por nisur nga ky gjykim, kush këngëtare është një divë? Rovena i përgjigjet Ermalit: “ Aurela Gaçe, ajo është një dive.” E në fakt nuk e ka keq, duke parë që tregu është mbushur plot e përplot me këngëtare të vetshpallura.
