”S’jemi parti-shtet por parti në pushtet”, ka qenë pikërisht mohimi i asaj që kanë nisur të kuptojnë socialistët se po percepton publiku kohët e fundit.
Partia Socialiste uzurpon Kuvendin duke folur në institucionin më të lartë ligjvënës si të flisnin në sallat e PS-së dhe më pas programi i qeverisë, që u përket të gjithëve jo veç socialistëve prezantohet brenda një asambleje të militantizuar.
I ka dhënë një frymë censure Kuvendit Gramoz Ruçi, siç e komentojnë deputetët jashtë maxhorancës, kryesisht demokratët.
Së fundmi ka përjashtuar nga Kuvendi kreun e PD-së, Lulzim Bashën, ndërsa pas kësaj deputetët bllokuan sallën. Pak ditë më parë i preu fjalën edhe ish-kryeministrit Sali Berisha.
Si të mos mjaftonte performanca e kritikuar e Ruçit, do të duhej që edhe TVSH-ja të përfshihej në këtë frymë censure, me ndërprerjen e sinjalit për televizionet informative dhe pak më tej hedhja e idesë së Ramës që kuvendi të ketë televizionin e tij, i cili nuk dihet se sa me integritet do publikojë debatet brenda sallës ku vulosen ligjet.
Çdokush që e ndjek politikën e ndjen lehtësisht diferencën mes debatit që gjallonte vetëm pak kohë më parë, kur Kuvendi drejtohej nga Meta dhe tashmë tendencën e uniformizimit, siç po shohim tani në asamblenë e PS-së. Flasin të gjithë sipas planit, askush nuk kundërshton, debati ”shihet në ëndrra”.
Përveç performancës së kritikuar të Ruçit për mungesën e spikatur të tolerancës, padiskutim ka ndikuar edhe mungesa e deputetëve Ben Blushi dhe Jozefina Topalli në parlament.
Por në vazhdën e performancës së tij, kryetari Ruçi nuk ka se si mos të thotë që PS-ja dhe ai si ish-komunist është në partinë në pushtet.
”S’jemi parti-shtet por parti në pushtet”, ky është leksioni që u dha socialistëve Gramoz Ruçi që i thërriste një e nga një ”Shoku”…”Shoku Xhafaj, Shoku Fino, Shoku Majko…”
Pak minuta më pas, në të njëjtën gjatësi vale, kryetari i Ruçit ka mohuar lidhjen me kohën e ish-diktatorit Edi Rama.
”Kthimin e Enverit e shpresojnë ata që janë gati për luftë, nuk e bëjmë dot! Do shkrijmë drejtoritë e Enverit!
(V.G/SHUPLAKA)
