S’justifikon dot 2 apartamente, gjyqtari Trezhnjeva jep versionin e tij para mediave: Pasuria është nga gruaja, kemi punuar të dy

Gjyqtari Besim Trezhnjeva kandidat për Këshillin e Lartë Gjyqësor, aktualisht gjyqtar i Gjykatës së Apelit në Durrës, ka thënë para mediave se pasuria e tij është e ligjshme.

Në seancën e sotme dëgjimore, Komisioni i Pavarur i Kualifikimit është shprehur se Trezhnjeva nuk justifikon dot pasurinë e tij.

Ai gjithashtu akuzohet se ka kryer deklarim të rremë të pasurisë.

Por Trezhnjeva ka mohuar akuzat.

Në përfundim të seancës, ai ka folur para mediave dhe ka thënë se pasuria e tij është e ligjshme dhe të ardhurat kryesore vijnë nga bashkëshortja.

“Kemi punuar bashkë me gruan. Të ardhurat kryesore janë nga bashkëshortja. Pasuria ime është e ligjshme”, tha Trezhnjeva.

Seanca e radhës ndaj gjyqtarit të Apelit Durrës është parashikuar më 13 prill.

(F.G/Faxweb.al)