Është shqyrtuar sot në Kolegjin Zgjedhor padia e Partisë Aleanca Populore për listat e kandidatëve për deputetë. Për shkak të rrethanave të reja që janë paraqitur kjo parti ka vendosur të heqë dorë nga padia e saj, duke iu rikthyer në një moment të dytë.
Përfaqësuesja e KQZ-së i ka kërkuar kësaj partie që të tërhiqet, ndërkohë që kryetari i saj Dojaka është shprehur se nëse KQZ nuk pranon kërkesën e tyre për regjistrim ata do të vijojnë me padinë.
‘’Është një nonsens ligjor, ne presim që KQZ-ja të miratojë datën e zgjedhjeve. Më pas do vazhdojmë të gjitha procedurat ligjore. Ky është një hap mbrapa sa i përket Kushtetutës, që nuk vendos më ligji po dy partitë’’, u shpreh Dojaka në dalje të Kolegjit.
Kujtojmë se në marrëveshjen e nënshkruar mes Ramës dhe Bashës afati për dorëzimin e listave përcaktohej vetëm për partitë opozitare, ndërsa PAP nuk i pëket asnjë grupimi. (E.K/SHUPLAKA)
