Drejtoria e Burgjeve pezullon dhënien e lejeve të veçanta për të dënuarit, me përjashtim të arsyes së vdekjes së ndonjë familjari. Urdhri ju heq mundësinë të dënuarve të kalojnë festat pranë familjeve të tyre. Mesa duket ky do të jetë një fundvit i trishtë për shumë nga të dënuarit. Do të duhet ta festojnë larg familjarëve ndërrimin e viteve.
Urdhri i firmosur në datën 20 Dhjetor nga drejtori Miklovan Kopani do të jetë në fuqi deri në një moment të dytë. Kjo bëhet për shmangur çdo situatë kriminale që mund të bëhet nga lirimi i personave të dënuar. Jo pak herë të dënuarit kanë qenë shënjestër e krimit pasi dalin me leje nga burgu, në formë hakmarrje për krimet që mund të kenë kryer. Mesa duket organet e rendit e shohin të pamundur të garantojnë sigurinë e jetës së tyre jashtë selisë. (E.K/SHUPLAKA)
