Sezoni 2018-2019 për Juventusin nuk është konsideruar dhe aq pozitiv pavarësisht se skuadra fitoi për herë të 8 radhazi titullin kampion. Synimi është trofeu i madh i Champions League’.
Pikërisht për t’ja arritur këtij qëllimi drejtuesit po mendojnë për ndryshime rrënjësore jo vetëm te lojtarët, por dhe në fanellë.
Së fundmi mediat italiane kanë zbuluar uniformat për sezonin 2019/2020, të cilat nuk kanë shumë të përbashkëta me ato të viteve më parë, madje mund të thuhet se ka ndryshime drastike.
Vijat e shpeshta vertikale bardhezi nuk do të jenë më në uniformën e re dhe përveç këtyre ngjyrave do të ketë edhe rozë, që do të jetë një vijë e hollë në mesin e fanellës.
Të parët që kanë provuar fanellat e reja janë Bernadeschi dhe Dybala, fotot e të cilëve kanë krijuar një reagim të tifozve. Mesa duket fanella e re, e cila është shumë ndryshe nga e vjetra jo vetëm që ka krijuar përçarje por nuk është pranuar nga tifozët e zonjës së vjetër.
(s.a/faxweb.al)
Discussion about this post