“S’ka prova që rëndojnë Frrokajn”, avokati i kreut të Bashkisë Lezhë

Fax News informon se Adrian Leka, avokati i kreut të Bashkisë Lezhë, është shprehur se Prokuroria s’ka prova që fajësojnë Frrokajn.

“Në momentin e ndalimit të klientit tonë, nuk është paraqitur ndonjë provë. “ – ka thënë avokati.

Leka tha se fillimisht është marrë një vendim në mungesë dhe është ekzekutuar ndërsa klienti i tij është njohur vetëm me vendimin që është marrë në mungesë.

“Vetëm në momentin e rivlerësimit të masës së sigurisë janë paraqitur prova, prova të cilat nuk rendojnë klientin tim Fran Frrokaj. Klienti im z. Frrokaj është i bindur në pafajësinë e tij dhe do të ushtrojmë të gjitha rrugët e së drejtës për ta provuar.” – mësohet të jetë shprehur Adrian Leka, avokati i kryetarit të Bashkisë Lezhë, Fran Frrokaj.

(E.L/Faxweb)