Mesa duket ende nuk ka një marrëveshje që do të sillte uljen e Partive Politike në tryezën e dialogut. Partia Demokratike do të ketë një tjetër protestë masive në 13 maj.
Vendimi u mor në mbledhjen që kryetari i PD-së Lulzim Basha pati me krerët e degëve mesditën e sotme në selinë PD.
Protesta do të nisë në orën 12:00 të 13 majit 2017 në ”Bulevardin Dëshmorët e Kombit”.
Para këtij takimi nga çadra e ngritur para kryeministrisë, që PD e quan çadra e lirisë, Basha i bëri thirrje qytetarëve të bashkohen në marshimin e javës së ardhshme.
“Ftoni miqtë, dhe familjarët tuaj të bashkohen në marshimin e javës së ardhshme, manifestimin më të madh të forcës së vendosur paqësore por të pathyeshme të qytetarëve shqitparë për zgjedhje të lira e të ndershme, themelin e Republikës së re që po agon”, shprehej Basha. (E.K/SHUPLAKA)
