Ndërsa protesta në unazë, ishte lënë për ditën e nesërme në orën 16:00, por deklarata e Veliajt i ka “vënë zjarrin” protestës së banorëve të “Astirit” të cilët kundërshtojnë shembjen e banesave të tyre, nëse nuk dëmshpërblehen në masën 100%.
Pas deklaratës së ditës së sotme të kryebashkiakut Erion Veliaj, i cili shprehej se “shpellarët” nuk do ta bllokojnë dot ndërtimin e “Unazës së Madhe”, ka acaruar gjendjen, ku banorët kanë dalë në rrugë, e ndryshe nga ditët e tjera, sonte u është vënë flaka gomave dhe janë hedhur shashka.
“Kemi degjuar një deklaratë injorance të një njeri upa nivel. O frikacak si puna e ministrit që iku si frikacak. Në Shqipëri kanë ardhur të gjithë se ashtu ishte propaganda politike që të lëviznin njerëzit. Do vazhdojmë protestën deri në gjak. Kemi bërë rrugë të gjatë, do ta provojmë herë të fundit këtu”, u shpreh një qytetar për Fax News.
“Nuk jam shpellare e kam ndërtuar shtëpinë me djersë jo me drogë. Kam punuar me gjithë burrin që e kam invalid. Të dalin pas 25 vitesh kryetari dhe të thotë shpellarë. Nuk jemi shpellarë, por jemi qytetarë. Si i gjeti shpellarët ai, ne jemi familjarë, ku i gjeti shpellarët ai”, tha një tjetër qytetare e revoltuar nga fraza e Veliajt.
“ Ai është i zoti i shpisë për të gjithë qytetarët. Nëse jemi nga veriu apo nga jugu në rradhë të parë jemi qytetarë nuk jemi shpellarë. Kjo ishte e paplanifikuar, por të gjithë njerëzit janë shprehur të indinjuar për deklaratë e tij. Këto përsërisin të njëjtat gjëra. Nuk është jeta 3 vjet, nuk është rrugëzgjidhje. U tregua shumë bujar, Veliaj që do na japë bonus dhe kredi të bvutë. Në nuk kemi asnjë kriter për të paguar kredi. Të gjithë do përfundojmë te “Fundjavë Ndryshe””, tha një tjetër banor i “Unazës së Re”.
Një tjetër banor i pranishëm në protestë ka zbuluar për Fax News të gjitha dokumentacionet që vërtetojnë që kanë paguar taksat ndër vite.
“Ujë skemi dhe e kemi paguar, siç thotë ai që ujë e kemi 24 orë. Të gjitha me rradhë të paguara. 30 vjet i kam marrë taksat të gjitha sot të thonë nuk të njoh. Ai është plehrë. Me paturpërsinë më të madhe gënjen. Mos me pagu taksat ata vendosin shiritin ta konfiskojnë. S’ka turp që gënjen dhe ofendon qytarët si shkërdhatë”, tha një tjetër banor i pranishëm në protestë.
(J.D/Faxweb.al)
Discussion about this post