Ministri i Jashtëm Gernt Cakaj në një konferencë të dhënë për mediat ka komentuar rekomandimin pozitiv që dha dje Këshilli i Europës për çeljen e negociatave me Shqipërinë.
Cakaj u shpreh se ky është raporti më i mirë që është dhënë ndonjëherë për Shqipërinë, e megjithatë ministri tha se qeveria nuk ka në dorë vendimin që do të jepet më pas në Komisionin Europian.
“Vitin e kaluar ekzistoi tensioni mes rekomandimeve teknike te KE dhe vlerësimeve politike të këshillit, por këto nuk ishin të lidhur me paragjykimin e progresit që vendi ka arritur. Ekzistojnë raste që gjykimet politike mbizotërojnë mbi vlerësimet teknike.
Për të qenë transparentë, ne nuk marrim përgjegjësinë për të dhënë premtimin final se negociatat do të hapen në këtë apo atë datë, por ne japim garancinë që angazhimi ynë është i patjetërsueshëm dhe i pakthyeshëm. Sinjalet vijnë të ndryshme nga vendet evropiane, por asgjë nuk është përfundimtare.
Përcaktimin e axhendës së këshillit nuk e ka në dorë qeveri, por qeveria për Shqipërinë do punojë pa lodhur dhe pa kursyer për të bindur vendet që tashmë është koha për hapjen e negociatave”, u shpreh Cakaj, duke konfirmuar edhe njëherë faktin se nuk ka vend për hapjen e shampanjës së festimeve.
Discussion about this post