Ilir Allkja mjek pranë QSUT ishte i ftuar në studion e Fax News ku foli mbi koronavirusin dhe masat që po merren në vendin tonë sa i përket parandalimit të koronavirusit.
Ai tha se nuk ka vend për panik por kjo nuk do të thotë që tq neglizhohen masat që duhen marrë duke e vënë theksin tek numri i vogël i respiratorëve.
“Janë mijëra viruse që qarkullojnë në këto kohë, por nuk ka vend për panik, e rëndësishme është që të kemi kapacitete në menaxhim. Mendoj se duhen blerë respiratorë të tjerë pasi janë pak deri tani.
I sëmuri nuk ka nevojë vetëm për oksigjen por duhen respiratorë që frymëmarrjen ta ketë sa më të lehtë.
160 respirator janë shumë pak, pasi komplikacioni më i keq është insufivensa respiratore“,- thotë doktori
Ai thotë se “nuk mjafton të kemi vetëm ujë dhe sapun apo doreza, edhe oksigjen po pati mjaftueshëm përsëri nuk është bërë e gjitha duke lënë të kuptohet se oksigjeni nuk është zgjidhja e vetme.
Sa i përket këshillave të fundit Allkja tha se “paniku të devijohet sa më shumë, të gjithë ata që kanë komplikacione që dyshohet për virusin në fjalë duhet të telefonojnë numrin 127 për të sqaruar rrethanat apo për të kërkuar ndihmë, higjena dhe maskat janë shumë të rëndësishme”, përfundoi ai.
Discussion about this post