Mesnatën e së martës ka skaduar edhe afati që kryetari i Partisë Demokratike, Lulzim Basha, u kishte caktuar 12 drejtuesve të qarqeve për marrjen e propozimeve nga çdo qark i vendit për kandidatët e mundshëm për deputetë.
Burime të grupeve të punës shprehen se pritet që Basha do të takohet me secilin drejtues qarku për t’u njohur më nga afër për propozimet dhe opinionet që baza e PD-së ka për kandidatët për deputetë.
Flitet se në listat e propozuara nga strukturat ka përfaqësues nga bota akademike, nga biznesi, anëtarë të forumeve rinore, familjarë të ish-të përndjekurve, etj.
Ndërkaq, burime të Partisë Demokratike shprehen se kryetari i PD-së Basha dhe ish-kryeministri Berisha, mund të mos jenë duke udhëhequr listat në qarkun e Tiranës, por të jenë në dy qarqe të tjera të mëdha.
Sa u përket listave, dihet tashmë se të paktën katër prej aleatëve opozitarë do të jenë pjesë e listave fituese.
(XH.A/SHUPLAKA)
Discussion about this post