Nga Vlora gjatë fjalës së tij kryeministri Edi Rama nuk i kurseu lavdet për drejtoreshën e Tatimeve Pranvera Resulajn. Madje ai e cilësoi si Resulajn si rast unikal pasi nuk ka asnjë ankesë për të në lidhje me punëm që ajo bën. “Është rast unikal, s’kam asnjë ankesë për të. Që vlonjatët të ngrenë dorë dhe të shkruajnë mbi tastirë fjalë të mira, kjo nuk ndodh”, tha Rama për drejtoreshën.
Por kush është Pranvera Resulaj dhe pse e lavdëroi Edi Rama sot?
Gjatë fushatës zgjedhore të qershorit të 2017 Ministria e Financave nisi hetim për Drejtoreshën Rajonale të Tatimeve në Vlorë, Pranvera Resulaj pasi rezulton të jetë përfshirë drejtpërdrejt në fushatë.
Në njoftimin e publikuar Ministria e Financave shkruante: “Ka informuar Prokurorinë e Rrethit Gjyqësor Vlorë, që në ushtrim të funksionit kushtetues të ndjekjes penale, të kryejë veprimet e nevojshme për hetimin, e znj. Pranvera Resulaj, Drejtoreshë Rajonale e Tatimeve në Vlorë.
Nisur nga informacionet dhe materialet bashkëlidhur, Znj. Resulaj, rezulton të jetë përfshirë në mënyrë të drejtpërdrejtë në fushatë elektorale, në kundërshtim flagrant me ligjet në fuqi si dhe me VKM nr. 473, dt. 01.06.2017. Nisur nga ky rast, Ministria e Financave kërkon nga të gjithë punonjësit e institucioneve të varësisë qe të zbatojnë me përpikmëri detyrat funksionale në perputhje me legjislacionin në fuqi”, thuhej në njoftim.
Kujtojmë që drejtoresha u fotografua me Damian Gjiknurit në Vlorë teksa ishte duke bërë fushatë dhe pse ishte e ndaluar me ligj kjo gjë për punonjësit e administratës.
Sjellim në vëmendje që Edi Rama gjatë fushatës së tij i bëri thirrje edhe Policisë së Shtetit të anazhohej në zgjedhjet vendore edhe pse policia me ligj është depotilituzuar.
Të jetë Pravera Resulaj drejtori shembullor që kërkon Rama?! Mesa duket po, duke u nisur edhe nga deklarata e fundit e kryeminstrit. (J.V/Shuplaka)
Discussion about this post