Në një kohë që çdo ditë shohim videoklipe nga këngëtarë që jo pak herë sna pëlqejnë ka të tjerë që i shohim më rrallë për të mos thënë fare.
Një prej tyre që pavarësisht zërit të saj nuk ka publikuar videoklipe është edhe Kejsi Tola.
Kejsi është ndër zërat më të mirë shqiptar, ku performon edhe live në një resort në kryeqytet, pjesë dhe e festivaleve si “Kënga magjike”, Festivali i RTSH ku dhe është shpallur fituese, duke përfaqësuar denjësisht Shqipërinë në EuroSong.
E megjithatë 25- vjeçarja nuk ka realizuar asnjë videoklip. Gjatë një interviste për “Thumb”, Kejsi e ka pranuar se shkak për këtë është bërë mungesa e parave, e cila ka qenë arsyeja kryesore, por sigurisht ka pasur edhe të tjera.
“Lekë s’kam patur ndonjëherë: pse, ka ndonjë gjë të keqe? Por s’ka qenë vetëm kjo arsyeja; s’erdhën rrethanat e duhura në kohën e duhur.”, shprehet ajo. (E.K/SHUPLAKA)
