Nga raportimet që kanë ardhur prej shumicës së qyteteve në vend, mësohet se janë dërguar materialet zgjedhore në qendrat përkatëse ku është përcaktuar të votohet ditën e nesërme.
Ndërkohë ajo që është konstatuar ka të bëjë me faktin se materialet zgjedhore, përfshirë fletët e votimit si dhe kutitë janë shoqëruar me makina private, pa shoqërinë e anëtarëve të KZAZ-ve përkatëse por nga përfaqësues të Partisë Socialiste.
Në fshatin Rusan pjesë e Bashkisë Delvinë, kryetari i PS-së, të këtij fshati Landi Shkrepa,ka transportuar vetë me një makinë private materialet zgjedhore, materiale këto të marra nga KZAZ nr. 87 në Delvinë.
Video e mëposhtme është regjistruar në qytetin e Vlorës ku shikohet se materialet transportohen me makina private, pa monitorimin nga përfaqësues të identifikuar të KZAZ-vë dhe pa prezencë të Policisë.
E njëjta situate është raportuar edhe nga Saranda, Himara, Elbasani, Shkodra, Gjirokastra, Kukësi etj nga gazetarët e Fax News.
Ndërkohë në Prrenjas ku përveç kandidaturës së propozuar nga Partia Socialiste kandidon si i pavarur edhe përfaqësuesi i Aleancës Kuz e Zi, ky i fundit ka pretenduar se për transportimin e materialeve zgjedhore nuk i është lejuar të ketë përfaqësuesin e tij përveç vëzhguesve të PS-së.
“Materialet zgjedhore transportohen me makinë personale dhe ambientet e shkollës ruheshin me polici private, ngjarja në Vasil Shanto”, ky ka qenë denoncimi që ka mbërritur pak minuta më parë në redaksinë e Faxweb.al, dhe tregon qartë sesi shkelet ligji në prag të zgjedhjeve të nesërme, të 30 Qershorit.
Discussion about this post