Ish-ministri i Drejtësisë Ylli Manjani iu është bashkuar reagimeve pas daljes së përgjimeve ku implikohet kryebashkiaku i Durrësit Vangjush Dako në biseda me bandën ‘Avdylaj’, ku mes të tjerave diskutohet dhe dhënia e parave kundrejt votave.
Përmes një statusi në ‘Facebook’ Manjani ka sulmuar prokurorinë për nxjerrjen e dosjes hetimore, ndërsa e ka cilësuar këtë një skandal. Manjani shton se kjo është një skandal dhe katastrofë më të madhe se dekonsiprimi i hetimeve nuk ka.
Reagimi i plotë i Manjanit:
Katatastrofë!
Dhjetëra faqe dokumentash zyrtarë, të klasifikuar për shkaqe hetimore, gjenden sot në media!
Prokurori, e cila është pronare e atyre dokumenteve, në vend ti ruante me fanatizëm i nxori në media në papërgjegjshmëri të plotë!!
Ato dokumente u prodhuan për të ndihmuar prokurorinë të godasë krimin. Por ajo vendosi ta mbrojë atë, duke nxjerre në publik indiciet zyrtare!
Skandal sa më s’ka!
Tashmë çdo lloj hetimi i mëtejshëm nuk ka kuptim sepse indiciet janë bërë publike dhe “të interesuarit” kanë siguruar alibitë e tyre!
E bënë shtetin gallatë! Drejtësinë sallatë!
E vetmja mënyrë për të mbrojtur krimin e pushtetarëve kjo ishte!
Discussion about this post